20.08.2026

Treytirnar fyri frítíð við arbeiðsloysisstuðli broyttar

Nýggj kunngerð er komin í gildi um at halda frítíð við arbeiðsloysisstuðli. Hon ásetir, hvussu fólk, sum eru í Arbeiðsloysisskipanini og fáa arbeiðsloysisstuðul, vinna sær rætt til frítíð, og nær og hvussu frítíðin kann brúkast.

Rætturin til frítíð verður vunnin í tímum, alt eftir, hvussu nógvar tímar, arbeiðsloysisstuðul hevur verið goldin fyri. Fólk, sum fáa arbeiðsloysisstuðul allar útgjaldstímar í einum mánaði, vinna sær í miðal rætt til 2,08 frídagar. Samlaði rætturin kann í mesta lagi svara til 25 frídagar um árið, í samsvari við løgtingslóg um frítíð við løn.

Vunnin frítíð kann brúkast í næsta frítíðarári, um viðkomandi framvegis er í ALS-skipanini. Fer ein úr skipanini, verður innvunna frítíðin varðveitt og kann brúkast, um viðkomandi seinni kemur aftur í ALS-skipanina í frítíðarárinum.

Fyri at halda frí við arbeiðsloysisstuðli skal fráboðan sendast ALS í seinasta lagi dagin fyri, at frítíðin byrjar. Tað ber ikki til at halda frítíð við arbeiðsloysisstuðli, meðan ein er partur av arbeiðstilboði ella arbeiðsmarknaðarátaki.

Kunngerðin hevur virknað frá 1. apríl 2025.

Onnur tíðindi