Góð ráð tá tú søkir starv
Ger tær greitt beinanvegin, at tað er krevjandi at søkja nýtt starv. Tú fert at brúka nógva orku til at leita í starvslýsingum, seta teg inn í fleiri ymisk arbeiðspláss, skriva umsókn, bíða eftir svari, fyrireika setanarsamrøður o.s.fr.
Tann góða umsóknin
Umsóknin er fyrsta fatanin, arbeiðsgevarin fær av tær. Tí er altavgerandi at gera sær ómak við umsóknini. Soleiðis økir tú møguleikan fyri, at arbeiðsgevarin varnast júst teg millum allar hinar umsøkjararnar.
Eitt gott CV
CV er stytting fyri Curriculum Vitae, sum merkir ”stutt lýsing av egnari lívsgongd”. Tað vil siga ein lýsing av, hvør tú ert, og hvat tú hevur gjørt. CV’ið skal vísa starvsroyndir, útbúgving/ar og meira nágreiniliga, hvat tú hevur gjørt og lært higartil.
Starvsvenjing
Skipanin við starvsvenjing gevur arbeiðsleysum møguleika at fara í starvsvenjing hjá einum arbeiðsgevara í upp til 5 mánaðir.
Tema
Soleiðis fótar tú tær aftur
Juni 2019
Arbeiðsleys eru í størri vanda enn onnur at gerast strongd og kenna einsemi. Men fólk kunnu gera nógv sjálvi fyri at fóta sær aftur.
Tema
Miss ongantíð vónina at finna starv
Juni 2019
"Summi skriva 60-70 umsóknir, onkur yvir 100, og so eydnast tað knappliga. Tað er ein fantastisk kensla, sigur Jóhanna Andreasen, kveikjari hjá ALS."
Tema
Tey flestu arbeiðstøku hava útbúgving
Juni 2019
Útvið 60% av teimum, sum í dag eru skrásett sum arbeiðsleys, hava okkurt slag av útbúgving.
Tey, sum eru skrásett sum arbeiðstøk í ALS, eru rættiliga ymisk, tá ið tað snýr seg um útbúgvingarligar førleikar. Fleiri hava als onga skúlagongd eftir fólkaskúlan, summi hava bara miðnám, og so eru tað nógv, sum hava yrkisútbúgving.