Sjálvgreiðslan
Atlantic Airways
Lagt út: 07.08.19
Umsóknarfreist: 30.08.19

Stýrimenn (m/k) til Atlantic Airways

Okkum tørvar stýrimenn (M/K) til at flúgva okkara Airbus 319/320/320neo. Talan er um fast starv.

Sum stýrimaður (M/K) hjá Atlantic Airways fært tú møguleikan til at royna teg í einum avbjóðandi og spennandi starvi.

Tú mást búgva og kunna røkja starvið antin úr Føroyum ella Danmark, og tað má vera lætt hjá tær at møta á flogvøllinum til skiftandi arbeiðstíðir.

Tín uppgáva verður, saman við okkara vandu flog­­­skip­arum og stýri­monn­um, á ein profession­ellan hátt at halda tey høgu krøv, tænastur og væntan­­ir, sum verða sett til Atlantic Airways.

Tínir eginleikar: 
Tú ert ábyrgdarfull/ur og arbeiðir málrættað og professionelt. Tú ert broytilig/ur (fleksibul), og tú dugir at arbeiða undir trýsti, eins og tú trívist við at starv­ast tætt saman við øðrum og kanst gera mun fyri viðskiftafólk og starvsfelagar.

Tú skalt kenna til føroysk viðurskifti og hava loyvi at búgva og arbeiða í Norðurlondum og EU.

Krøv:
Umsøkjarar skulu hava eitt av hesum prógvum:

  • ATPL(A)
  • MPL(A)
  • CPL(A), við ATPL-teori og MCC-prógvi

Í øllum trimum førum skalt tú hava eitt galdandi IR(A)ME, eitt General Flight Radiotelephone Ope­rator Certificate (GEN) og ICAO Language pro­ficiency við stig 4 í enskum.

Tú skalt vera skúlað/skúlaður at kunna flúgva okkara Airbus 319/320/320neo.

Harafturat skalt tú hava reina revsiváttan.

Arbeiðstíðir og -staður:
Byrjanarsamrøður verða hildnar í september 2019, og endaliga valið av stýrimonnum verður í sep­tember/oktober 2019.

Starvið er við støð í Føroyum ella Danmark. Løn og dagpeningur eru sambært sáttmála millum Føroya Arbeiðsgevarafelag og Flogskiparafelag Føroya.

Tá ið byrjanarsamrøðurnar og valið av stýrimonn­unum eru av, skulu tey valdu gjøgnum eina roynd, sum snýr seg um týdningin av at arbeiða gjølla, skjótt og neyvt. Eisini verður ein persóns­greining gjørd. Við støði í hesum, sam­an við byrjanarsamrøðunum, verð­ur tað okkara úrvals­nevnd – møguliga við fleiri starvs­samrøðum – sum velur og ger til­mæli til leiðsluna um skikkaðar umsøkjarar. Í úrvalsnevndini sita HR-leiðarin, flog­ovastin, flog­­stjórin, venjingarleiðarin og eitt um­boð fyri flog­skipararnar.

Umsóknir:
Hevur tú hug at søkja starv sum stýrimaður, vina­liga send eina skrivliga umsókn saman við lívs­rensli (CV), mynd, prógvum og viðmælum til starv@atlantic.fo

Vilt tú vita meira um starvið?
Set teg so í samband við Sámal Danielsen, flog­ovasta, á telduposti samal@atlantic.fo ella tlf.
21 39 13
ella Elin Sigvardsen, HR-leiðara, á teldu­post elin@altantic.fo ella á tlf. 21 37 02.

Umsóknarfreistin er tann 30. august 2019.

Um okkum:
Atlantic Airways er tjóðarflogfelag Føroya. Í fyritøkuni starvast umleið 200 eldhugað og tænastu­sinnað starvsfólk í nógvum ymsum starvs­bólkum. Okkara fremstu uppgávur eru at knýta Føroyar nærri umheiminum og at knýta oyggjar saman og skapa trygg­leika. Hjá okkum er trygdin í hásæti, og vit vilja veita eitt regluligt, smidligt og fjølbroytt rutu­net við Føroyum sum hornasteini, og eina framúr góða tænastu.  

Les meira á heimasíðu okkara atlantic.fo

Fráboðan um nýggj størv
Fá teldupost frá okkum, tá nýggj størv verða skrásett.
Send okkum tína starvslýsing
Um tú ynskir at fáa tína starvslýsing á starv.fo, trýst her og send okkum lýsingina.
Vit eru eisini á Facebook
Allar lýsingarnar á starv.fo eru eisini á Facebook. Trýst her fyri at vitja okkara Facebook síðu.
Tann góða umsóknin
Umsóknin er fyrsta fatanin, arbeiðsgevarin fær av tær. Tí er altavgerandi at gera sær ómak við henni.