Sjálvgreiðslan
Skriva út
IRF
Lagt út: 17.07.20
Umsóknarfreist: 17.08.20

Vaktarfólk til Brennistøðina hjá IRF

Søkt verður við hesum eftir einum vaktarfólki til Brennistøðina hjá IRF úti á Hagaleiti í Leirvík.

Tú kemur at verða partur av eini døgnvaktarskipan, og arbeiðsuppgávurnar fevna m.a. um:

  • Dagligur rakstur og røkt av ketli og ovni
  • Umvæling og røkt av útgerð og maskinum á Brennistøðini
  • Móttøka og telduavgreiðsla av bilum, sum koma á Brennistøðina við burturkasti
  • Annað fyrifallandi arbeiði

Krøv og útbúgving

  • Ynskiligt er, at tú ert maskinmeistari ella hevur líknandi hægri útbúgving
  • Tú skalt kunnu arbeiða sjálvstøðugt

Løn- og setanarviðurskiftir
Talan er um eitt fulltíðarstarv í skiftivaktum. Brennistøðin hjá IRF er í gongd alt samdøgrið mestsum alt árið.  Starvið verður lønt sambært sáttmála millum Maskinmeistarafelagið og KAF.

Ynskiligt er, at tú byrjar í starvinum 1. oktober 2020. 

Áhugaðir umsøkjarar, ið vilja vita meira um starvið, eru vælkomnir at venda sær deildarleiðaran á Brennistøðini, Andrias Joensen, á tlf. 23 42 14.

Skrivligar umsóknir skulu vera okkum í hendi í seinasta lagi mánadagin, 17. august, kl. 12:00. Umsóknir við avriti av prógvum og møguligum ummælum skulu sendast til: irf@irf.fo.

Allar umsóknir verða viðgjørdar í trúnaði.

Vit bjóða
Vit bjóða tær eitt starv, har tú verður partur av eini stórari fyritøku, sum hevur víðfevnandi virksemi kring allar Føroyar. Í fjør tóku vit ímóti og viðgjørdu 42.000 tonsum av burturkasti. Starvsfólkahópurin hjá okkum telur áleið 100 starvsfólk og millum hesi teljast mong, ið hava verið hjá felagnum í nógv ár. Vit eru errin av okkara starvsfólkum, sum lyfta eina uppgávu av stórum samfelagsligum og umhvørvisligum týdningi.

Um IRF
IRF skal virka fyri, at vit kunnu lata komandi ættarliðum Føroyar betri og burðardyggari. Tilverugrundarlagið hjá IRF er at savna og viðgera burturkast á umhvørvisliga rættan hátt, bæði fyri at fyribyrgja dálking av okkara umhvørvi og tryggja, at tilfeingið í burturkastinum verður hildið í ringrás. IRF skal ganga á odda á burturkastøkinum og á nýskapandi og ágrýtnan hátt gera Føroyar grønar.

Umhvørvispolitikkurin hjá IRF tekur støði í teimum 17 heimsmálunum hjá ST fyri burðardygga menning. Umhvørvispolitikkurin útgreinar kós felagsins í arbeiðinum fram ímóti at gera Føroyar reinari og burðardyggari. Les meira um umhvørvispolitikk felagsins á www.irf.fo.

Fráboðan um nýggj størv
Fá teldupost frá okkum, tá nýggj størv verða skrásett.
Send okkum tína starvslýsing
Um tú ynskir at fáa tína starvslýsing á als.fo, trýst her og send okkum lýsingina.
Vit eru eisini á Facebook
Allar lýsingarnar á als.fo eru eisini á Facebook. Trýst her fyri at vitja okkara Facebook síðu.
Tann góða umsóknin
Umsóknin er fyrsta fatanin, arbeiðsgevarin fær av tær. Tí er altavgerandi at gera sær ómak við henni.
Setanarsamrøðan
Soleiðis fyrireikar tú teg til setanarsamrøðuna