GLASIR: KT-UMSITARI

TCP/IP, LAN, WLAN, virtualisering, AD, AAD … Ert tú við enn? So er tað møguliga tær, vit leita eftir - tí á Glasi er kunningartøkni ein týðandi partur av gerandisdegi okkara.

Á Glasi eru um 250 starvsfólk og eini 1.600 næmingar, lærlingar og lesandi, sum nema sær eina av okkara yvir 30 útbúgvingum - antin á miðnámi, á yrkisnámi ella á hægri námi. Hetta fjølbroytta útbúgvingarumhvørvið hevur við sær nógvar og spennandi avbjóðingar - og KT er snúningsdepilin í nógvum av virkseminum. Tí er alneyðugt við góðum starvsfólkum, sum kunnu menna skúlan, soleiðis at tøknin kann gagnnýtast til fulnar.

Vit søknast eftir einum ábyrgdarfullum, fyrikomandi, framfýsnum KT-umsitara at arbeiða fulla tíð við m.ø. hesum uppgávum:

ábyrgd av at skipanir rigga og vera røktar - bæði við uppsetan, skjalfesting, yvirvaking, dagføring, backup og restore-mannagondum
KT-trygd, -politikkur og -mannagongdir
hjálpa starvsfólkum og næmingum á staðnum
feilfinna og loysa hardware/software trupulleikar
koma við viðmælum sum betra um KT nýtsluna á skúlanum

Undirvísingarstýrið hevur sett út í kortið eina stóra heildarætlan fyri KT-umsiting í undirvísingarverkinum. Tú kemur at vera partur av hesari verkætlan, sum kann viðføra broytingar í starvinum.

FØRLEIKAKRØV:

Meir enn 3 ár av viðkomandi starvsroyndum innan KT økið
Stóra vitan um TCP/IP, LAN, WLAN, Virtualisering, AD, AAD, Office 365 & backup loysnir
Tú dugir at samskifta skrivliga og munnliga á føroyskum, donskum og enskum
Tú dugir at seta orð á teknisk hugtøk, soleiðis at onnur starvsfólk skilja teg
Tú tolir eitt skiftandi arbeiðsumhvørvi við ymiskum uppgávum

Ynskiligt er at tú hevur viðkomandi útbúgving innan KT, eitt nú innan datalogi, KT-verkfrøði ella kunningartøkni á bachelor- ella mastersigi. Lønin er sambært sáttmála millum Fíggjarmálaráðið og avvarðandi yrkisfelag.

Umsókn til starvið skal, saman við CV, prógvum og møguligum viðmælum, sendast til starv@glasir.fo í seinasta lagi mánadagin 1. februar 2021 á middegi, kl. 12:00.

Nærri kunning um starvið fæst við at venda sær til Áka Heinesen Højsted, KT-leiðara, við at senda teldupost til ahh@glasir.fo.

Send til vin

Fráboðan um nýggj størv

Fá teldupost frá okkum, tá nýggj størv verða skrásett.

Send okkum tína starvslýsing

Um tú ynskir at fáa tína starvslýsing á als.fo, trýst her og send okkum lýsingina.

Vit eru eisini á Facebook

Allar lýsingarnar á als.fo eru eisini á Facebook. Trýst her fyri at vitja okkara Facebook síðu.

Tann góða umsóknin

Umsóknin er fyrsta fatanin, arbeiðsgevarin fær av tær. Tí er altavgerandi at gera sær ómak við henni.

Setanarsamrøðan

Soleiðis fyrireikar tú teg til setanarsamrøðuna