Vit sóknast eftir dugnaligum og ágrýtnum farmaseuti at arbeiða við kliniskari farmasi á sjúkrahúsi og á Framleiðsluapoteki

Søkt verður eftir farmaseuti til starv, sum er tvíbýtt millum Kliniska stápin hjá Landsapotekaranum og Framleiðsluapotekið. Viðkomandi verður partur av kliniska toyminum, sum tekur sær av farmaseutiskum uppgávur innan kliniska øki og logistik í sjúkrahúsverkinum. Á Framleiðsluapotekinum verður viðkomandi partur av farmaseutfakliga toyminum, ið hevur til endamáls at tryggja, at galdandi GMP krøv og viðkomandi faklig tilmæli verða hildin innan framleiðslu og skamtan.

Talan er um eitt barnsburðarfarloyvisstarv at byrja skjótast gjørligt og sum fyribils er tíðaravmarkað til 1 ár frá setan.

Starvið
Arbeiðsuppgávur kunnu tillagast førleikunum hjá umsøkjaranum, og verða lagdar til rættis í samstarvi við restina av toyminum.

Arbeiðsuppgávurnar í Kliniska toyminum umfata í høvuðsheitum:

Heilivágstænasta og skynsom farmakoterapi
Undirvísing av heilsustarvsfólki og ráðgeving á sjúkrahúsdeildum um heilivág
Loysa logistiskar uppgávur
Viðlíkahald av heilivágsmodul í Cosmic

Arbeiðsuppgávurnar á Framleiðsluapotekinum kunnu í høvuðsheitum umfata:

Góðkenna framleidda vøru
Skriva góðskuskjøl sum t.d. SOP’ar og framleiðsluforskriftir
Avgreiða og góðskutryggja skamtanarforskriftir
Samskifta við heilsustarvsfólk og brúkarar

Tínir førleikar
Umframt at tú hevur staðið danskt farmaseutiskt kandidatprógv ella líknandi, skalt tú hava áhuga fyri kliniskari farmasi og heilvágsframleiðslu.

Harumframt kunnu hesir førleikar vera ein fyrimunir, tó ikki eitt krav:

Tú hevur royndir innan kliniska farmasi, heilivágsframleiðslu ella apoteksarbeiði
Tú ert tilvitað/ur um týdningin av góðsku og góðskuskipanum
Tú ert tænastusinnað/ur og hevur evni til at samstarva við ymsar yrkisbólkar
Hevur áhuga í og vitan um heilsuverkið sum heild

Vit vænta, at tú ert fyrikomandi, álítandi og ynskir at vera ein góður starvsfelagi. Vit leggja dent á, at tú sært týdningin í at samstarva, og at tú hevur ein semjusøkjandi hugburð, samstundis sum uppgávurnar verða loystar á einum fakliga høgum støði.

Vit bjóða
Til rætta viðkomandi kunnu vit bjóða eitt avbjóðandi, mennandi og fjølbroytt starv á einum áhugaverdum arbeiðsplássi, har góðska og trivnaður er í hásæti.

Setanarviðurskifti
Talan er um barnsburðarfarloyvisstarv sum fyribils er tíðaravmarkað til 1 ár frá setan. Starvið er ásett at vera 40 tímar um vikuna, har helvtin er á Landssjúkrahúsinum og hin helvtin er á Framleiðsluapotekinum í Tórshavn.

Starvið verður sett og lønt sambært sáttmála millum Pharmadanmark og Fíggjarmálaráðið.

Umsókn
Skrivlig umsókn við avriti av prógvi, viðmælum og CV við upplýsingum um royndir skal vera Apoteksverkinum í hendi í seinasta lagi mikudagin 20. januar 2021. Umsóknir skulu sendast sum teldupostur til nielsj@apotek.fo

Hevur tú spurningar um starvið, kanst tú venda tær til Niels Joensen á tlf. 213097 ella Elisabeth Joensen-Næs á tlf. 341164. Tú kanst eisini senda ein teldupost til nielsj@apotek.fo.

Les meira um okkum á apotek.fo

Send til vin

Fráboðan um nýggj størv

Fá teldupost frá okkum, tá nýggj størv verða skrásett.

Send okkum tína starvslýsing

Um tú ynskir at fáa tína starvslýsing á als.fo, trýst her og send okkum lýsingina.

Vit eru eisini á Facebook

Allar lýsingarnar á als.fo eru eisini á Facebook. Trýst her fyri at vitja okkara Facebook síðu.

Tann góða umsóknin

Umsóknin er fyrsta fatanin, arbeiðsgevarin fær av tær. Tí er altavgerandi at gera sær ómak við henni.

Setanarsamrøðan

Soleiðis fyrireikar tú teg til setanarsamrøðuna