Sjálvgreiðslan
Skriva út
Almannaverkið
Lagt út: 13.01.21
Umsóknarfreist: 27.01.21

Tvey starvsfólk til til Sambýlið í Sørvági

Um størvini
Talan er um tvey størv á 40 tímar um vikuna at byrja 1. mars 2021 ella eftir nærri avtalu. Størvini eru ávikavist eitt fast starv og  eitt tíðaravmarkað starv frá 1. mars 2021 til 28. februar 2021. Arbeiðstíðirnar eru skiftandi, tað vil siga, dag-, kvøld-, náttar- og vikuskiftisvaktir.

Førleikar
Útbúgving sum sjúkrarøktarfrøðingur, heilsurøktari, námsfrøðingur, sosialráðgevi, ergoterapeutur ella fysioterapeutur. Tað kann vera ein fyrimunur, um umsøkjari hevur starvsroyndir í sosialpedagogiskum arbeiði. Um ikki nóg nógv við viðkomandi útbúgving søkja, kann starvið verða sett við hjálparfólki.

Uppgávur
Endamálið við stovninum er at geva búfólkum møguleika fyri einum staði, har tey kunnu búgva samstundis sum tey fáa neyðugu miljøterapiina. Endamálið er at tey kunna megna eitt sjálvstøðugt lív og verða virkin.

Væntanir
Væntað verður, at tú skipar og fylgir virkisætlanum og mannagongdum, sum er partur av miljøterapeutiska arbeiðinum. Vit vænta harumframt at tú vilt virka innovativt og koma við góðum hugskotum og luttaka virkin í tvørfakliga arbeiðnum.

Neyðugt er at hava kt-førleikar og koyrikort til bil.

Vit kunnu bjóða tær eitt spennandi og dynamiskt arbeiðspláss, har tú ert við í einum tvørfakligum starvsfólkabólki. Vit bjóða eitt umhvørvi har tvørfakligheit og menning eru í hásæti, og tú verður luttakandi í einum stovni sum ynskir at verða í menning.

Setanar- og lønarviðurskifti
Setanarstaðið er Almannaverkið við tænastu í løtuni í Trivnaðardeplinum eind 4. Tey, ið sett verða, mugu tola broytingar í starvinum, og at hetta kann verða umskipað til eisini at fevna um aðrar uppgávur.

Setanar- og lønartreytir eru sambært sáttmála millum Fíggjarmálaráðið og Felagið Føroyskir Sjúkrarøktarfrøðingar, Heilsurøktarafelagið, Føroya Pedagogfelag, Starvsmannafelagið, Ergoterapeutfelagið, og Fysioterapeutfelag Føroya.

Umsókn
Tú søkir starvið við at trýsta á tann grøna knøttin "Søk starvið".

Freist
Umsóknir skulu vera Almannaverkinum í hendi í seinasta lagi 27.01.2021 kl. 23.00.

Nærri upplýsingar um størvini fáast við at venda sær til Biritu Clementsen, eindaleiðara, tlf 297453.

Í Almannaverkinum starvast umleið 1000 starvsfólk úr 15 ymiskum starvsbólkum. Vit eru um alt landið í fleiri enn 65 bygningum. Í Almannaverkinum vilja vit gera mun við at veita bestu og mest framkomnu sosialu tænastur. Allar tænasturnar hjá Almannaverkinum byggja tí á menniskja í síni heild. Fyri at møta borgarum har teir eru og at veita eitt sakligt og fakligt tilboð, er neyðugt við umfatandi førleikum. Breiða fakliga umhvørvið og fjølbroyttu avbjóðingarnar í Almannaverkinum tryggja, at starvsfólk áhaldandi kunnu fylgja sínum dreymum. Tey kunnu finna nýggjar avbjóðingar og mennast víðari í ymsu virkisøkjunum. At arbeiða í Almannaverkinum snýr seg um menniskju – borgarar, avvarðandi og starvsfólk. Við ynskinum um at gera mun, kann yrkisleiðin setast saman uppá nærum óteljandi mátar.
Fráboðan um nýggj størv
Fá teldupost frá okkum, tá nýggj størv verða skrásett.
Send okkum tína starvslýsing
Um tú ynskir at fáa tína starvslýsing á als.fo, trýst her og send okkum lýsingina.
Vit eru eisini á Facebook
Allar lýsingarnar á als.fo eru eisini á Facebook. Trýst her fyri at vitja okkara Facebook síðu.
Tann góða umsóknin
Umsóknin er fyrsta fatanin, arbeiðsgevarin fær av tær. Tí er altavgerandi at gera sær ómak við henni.
Setanarsamrøðan
Soleiðis fyrireikar tú teg til setanarsamrøðuna