Sjálvgreiðslan
Skriva út
Tórshavnar Kommuna
Lagt út: 16.07.21
Umsóknarfreist: 06.08.21

Starvsfólk til Býlingshúsið á Ternuryggi

Hevur tú hug at gerast partur av einum góðum starvsfólkahópi, har vit saman skapa ein tryggan og mennandi dag fyri børn okkara? Vit á Ternuryggi søkja eftir starvsfólki til stovnin, ið telur 14 starvsfólk og 47 børn.

Vit sóknast eftir
Einum starvsfólki at arbeiða í barnagarðsstovu, 27 tímar um vikuna. Starvsbyrjan er 9. august, 2021, ella eftir nærri avtalu. Starvið er tíðaravmarkað fram til 31. desembur, 2021. Møguliga ber til at leingja starvstíðina eftir hettar.

Soleiðis arbeiða vit
Vit leggja dent á at børn okkara verða sædd, hoyrd og fáa mennandi avbjóðingar. Vit arbeiða fyri einum góðum foreldrasamstarvi, og síggja hettar sum ein týðandi part av tryggleikanum og menningini hjá barninum. Hartil leggja vit dent á fakliga menning, eitt stuttligt og hugnaligt arbeiðsumhvørvi, sum við virðing hvør fyri øðrum rúmar ymisleika.

Hvørju eru vit
Vit eru ein starvsfólkahópur, sum á hvør sín serliga hátt eru ágrýtin, dugnalig og fakliga væl fyri. Vit eru til staðar, áhugað í tær og teimum børnum vit ansa. Vit kjakast, kveikja og stuðla hvørjum øðrum. Tú fært røttu upplæring við starvsbyrjan, har vit eisini syrgja fyri tínum trivnaði á okkara stovni.

Setanarviðurskifti
Løn sambært sáttmála millum Føroya Pedagogfelag og Kommunala Arbeiðsgevarafelagið.

Umsókn
Umsókn, prógv og møgulig viðmæli, skal sendast til torshavn@torshavn.fo í seinasta lagi fríggjadagin, 6. august, 2021.

Meira kunning
Meira fæst at vita um starvið og stovnin við at venda sær til Árnmar Mellemgaard, leiðara, á telefon 513269.

Fráboðan um nýggj størv
Fá teldupost frá okkum, tá nýggj størv verða skrásett.
Send okkum tína starvslýsing
Um tú ynskir at fáa tína starvslýsing á als.fo, trýst her og send okkum lýsingina.
Vit eru eisini á Facebook
Allar lýsingarnar á als.fo eru eisini á Facebook. Trýst her fyri at vitja okkara Facebook síðu.
Tann góða umsóknin
Umsóknin er fyrsta fatanin, arbeiðsgevarin fær av tær. Tí er altavgerandi at gera sær ómak við henni.
Setanarsamrøðan
Soleiðis fyrireikar tú teg til setanarsamrøðuna