- Øll Størv (90)
- Byggivirksemi (0)
- Fiskavøruídnaður (2)
- Fiskiskapur (0)
- Flutningur (0)
- Flutningur sjóvegis (1)
- Fyrisiting og tænastur (20)
- Gistihús og matstovur (8)
- Handil og umvæling (6)
- Heilsu- og almannaverk (35)
- Kunningartøkni (3)
- Skipasmiður og smiður (5)
- Undirvísing (1)
- Vinnuligar tænastur (9)
Leiðari til Fjallafípuna
Søkt verður eftir leiðara at byrja í fulltíðarstarvi 1. mars 2021. Fjallafípan er ein kommunalur dagstovnur staðsettur Úti í Grøv við 70 børnum í aldrinum 5-7 ár.
Sum leiðari mást tú:
• Hava námsfrøðiliga útbúgving
• Síggja menningarmøguleikar fyri børn í aldrinum 5 til 7 ár
• Framhaldandi menna Fjallafípuna og starvsfólkabólkin
• Hava visjónir og megna at seta tær mál
• Vera eldhugað/ur og megna at ráðgeva og vegleiða starvfelagar við útgangsstøði í samskifti, áliti og ábyrgd
• Kunna samskifta væl við starvsfólk og foreldur á ein greiðan og innlivandi hátt
Tað er týdningarmikið, at nýggi leiðarin hevur hesar førleikar:
• Megnar at stjórna, menna og skapa eitt gott námsfrøðiligt tilboð til børnini og starvsfólkini
• Strembar eftir at skapa eitt gott umhvørvi á stovninum – fyri børn, foreldur og starvsfólk
• Hevur dirvi til at taka avgerðir, sum eru neyðugar fyri at náa ásettum miðum og málum
• Er álítandi og vísir starvsfólkunum álit
• Megnar at hava góða og sunna fíggjarstýring umframt fyrisitingarligar førleikar
Setanarviðurskifti:
Starvið er fulla tíð við byrjan 1. mars ella skjótast til ber. Setanarviðurskiftini eru sambært sáttmálan millum Føroya Pedagogfelag og Kommunala Arbeiðsgevarafelagið (KAF), lønarstigini fyri Leiðarar dagstovn 0-119.
Hevur tú spurningar, ert tú vælkomin at seta teg í samband við John Færø, trivnaðarstjóra, tlf. 222216 / jf@klaksvik.fo, ella Niels Juel Arge, fráfarandi leiðara, tlf. 284538 / nielsj@klaksvik.fo
Umsóknir saman við avriti av prógvi, ummæli, cv o.ø. skulu sendast til starv@klaksvik.fo ella í brævi til: Klaksvíkar kommunu, Nólsoyar Pálsgøta 32, 700 klaksvík, og skulu vera stovninum í hendi í seinasta lagi 22. januar. kl. 12.00.
Setanarsamrøður verða eftir ætlan í viku 4. Starvsbyrjan er 1. mars 2021 ella skjótast møguliga.
__________________________________________________________________________________________________________
Um Fjallafípuna
Í Fjallafípuni eru starvsfólk, ið vilja virka fyri einum høgum fakligum støði, har náttúran verður brúkt sum ein týðandi partur. Í námsfrøðiliga arbeiðinum verður dentur lagdur á at arbeiða við menningarætlan, inklusjón, viðurkennnandi námsfrøði og Betri vinir.