Lýst verður eftir leiðandi læknaskrivara til Skurðdepilin á Landssjúkrahúsinum fulla tíð til at byrja skjótast gjørligt.

Skurðdepilin fevnir um sergreinirnar ortopedkirurgi, gynekologi og obstetrik, parenkym- og mammakirurgi, urologi, umframt oyrna-, nasa- og hálssjúkur, eygnasjúkur og tannlæknavirksemi og í hesum sambandi kanning, diagnostisering, viðgerð, røkt og rehabilitering av hesum sjúklingabólkum. Deildirnar eru skurðseingjadeildir, Eygnadeild, Oyrna-næsa-hálsdeild, Tannlæknastova, Hoyriklinikk, skurðgongd og skurðambulatorium, læknagongd við læknaskrivarum, yngri læknum og yvirlæknum.

Arbeiðsuppgávur hjá leiðandi læknaskrivaranum eru m.a.:

• Leiðsla, fyrisiting og samskipan av læknaskrivarum og læknaskrivaranæmingum á deplinum
• Vanligar læknaskrivarauppgávur
• Gera innleiðslutilfar og frágreiðing yvir, hvussu mannagongdir skulu fylgjast
• Gjøgnumføra innleiðslu og upplæring av næmingum og nýggjum starvsfeløgum
• Viðvirka fyri eftirútbúgving og dagføring av grundútbúgvingini hjá læknaskrivarum
• Kunning til og frá læknaskrivarabólkinum
• Ráðgevari hjá depilsleiðsluni viðvíkjandi læknaskrivaraarbeiðinum

  Dentur verður lagdur á:

• góð leiðaraevni og leiðsluroyndir
• royndir innan leiðslu og fyrisiting
• góð leiðslu- og tvørfaklig samstarvsevni
• verða før/ur fyri at ætlanargera og raðfesta sítt arbeiði
• tænastusinnað/ur
• góð samstarvsevni
• hollan KT-førleika
• framskygd/ur við hugflogi

Tað er umráðandi, at tú hevur hug og evni til at samstarva í eini toymisleiðslu, har trúfesti og opinleiki stuðla undir avgerðir, ið verða tiknar.

Leiðandi læknaskrivarin hevur tilvísing til depilsleiðsluna á Skurðdeplinum, sum er samansett av leiðandi skurðlækna og leiðandi sjúkrarøktarfrøðingi.

Løn- og setanartreytir sambært sáttmála millum Starvsfelagið og Fíggjarmálaráðið.

Nærri upplýsingar um starvið fáast við at seta seg í samband við Elin Vitalis, sjúkrarøktarfakligan depilsleiðara, á tlf. 234523 ella elivi@ls.fo.

Umsóknarfreistin er 20. apríl 2021.

Søk starvið her  

Á okkara heimasíðu www.ls.fo kann ein síggja okkara visjón, missión og strategimál, undir leinkjuni ”um stovnin”