Sjálvgreiðslan
Skriva út
Landssjúkrahúsið
Lagt út: 09.06.21
Umsóknarfreist: 23.06.21

Landssjúkrahúsið søkir eftir dugnaligum skrivstovulærlingi

Landssjúkrahúsið søkir eftir dugnaligum skrivstovulærlingi

Ert tú forvitin av lyndi og hevur tú hug til eina spennandi avbjóðing saman við góðum starvsfeløgum? So hava vit møguliga læruplássið til tín. Landssjúkrahúsið lýsir eftir skrivstovulærlingi við miðnámsútbúgving til setan 1. september 2021.

Talan er um eitt spennandi og læruríkt lærupláss, har tú kemur runt á ymisku arbeiðsøkini og sleppur at royna fjølbroyttar arbeiðsuppgávur innan skrivstovuyrkið. 

Landssjúkrahúsið er ein partur av Sjúkrahúsverkinum, og er eitt tað størsta arbeiðsplássið í Føroyum við 900 starvsfólkum og 30 yrkisbólkum. Sjúkrahúsverkið veitir heilsutænastur, ið fevna frá gitnaði til seinastu fráferð.

Læruplássið er í høvuðsheitum á Fíggjardeildini, Lønardeildini, Starvsfólkadeildini og Uttanlandstænastuni á Landssjúkrahúsinum. Í lærutíðini arbeiðir tú m.a. við fjølbroyttum skrivarauppgávum, lønaravgreiðslu, setanarviðurskiftum, bókhaldi, móttøku og samskipan av sjúklingaferðum. Tú kemur altíð at samstarva við roynd og fyrikomandi starvsfólk um uppgávurnar.

Lærutíðin er millum 2 - 3 ár, alt eftir hvørja miðnámsútbúgving umsøkjarin hevur. 

Arbeiðsuppgávur

  • Alt vanligt skrivstovuarbeiði
  • Starvsfólka- og lønarumsiting
  • Fíggjarviðurskifti, bókhaldsbeiði sum heild og tolling
  • Samskipan av ymiskum slag, her undir samskifti við sjúklingar og avvarðandi
  • Tætt samskifti við aðrar deildir á Landssjúkrahúsinum

Dentur verður lagdur á

  • Miðnám - fyrimunur er, um tú hevur HH ella fakini kunningartøkni, virkisbúðskap og sølubúðskap
  • Góðan málsligan førleika í føroyskum, donskum og enskum
  • KT-førleikar
  • Góð samstarvsevni
  • Fyrikomandi og tænastusinnað/ur

Vit bjóða

  • Eitt gott og spennandi lærupláss í einum mennandi umhvørvi
  • Fjølbroytt arbeiði
  • Virknar og dugnaligar starvsfelagar
  • Góða innleiðslu á Landssjúkrahúsinum

Lønar- og setanartreytir eru sambært sáttmála millum Fíggjarmálaráðið og Starvsmannafelagið.

Nærri fæst at vita um læruplássið við at venda sær til Selma Herup, virkandi starvsfólkaleiðara 286863 ella á selma@ls.fo.

Umsóknarfreistin er 23.06.21.

Á okkara heimasíðu www.ls.fo  kanst tú síggja okkara visión, missión og strategimál undir leinkinum "Leys størv."

Søk starvið her 

Fráboðan um nýggj størv
Fá teldupost frá okkum, tá nýggj størv verða skrásett.
Send okkum tína starvslýsing
Um tú ynskir at fáa tína starvslýsing á als.fo, trýst her og send okkum lýsingina.
Vit eru eisini á Facebook
Allar lýsingarnar á als.fo eru eisini á Facebook. Trýst her fyri at vitja okkara Facebook síðu.
Tann góða umsóknin
Umsóknin er fyrsta fatanin, arbeiðsgevarin fær av tær. Tí er altavgerandi at gera sær ómak við henni.
Setanarsamrøðan
Soleiðis fyrireikar tú teg til setanarsamrøðuna