Sjálvgreiðslan
Skriva út
Roðin økistænastan
Lagt út: 16.02.21
Umsóknarfreist: 15.03.21

Feriuavloysarar til Roðan økistænastuna.

Kjarnuuppgávan hjá Roðanum er at veita eina tænastu, sum tekur atlit til tørv, trivnað, fortreytir og sjálvsavgerðarrætt hins einstaka og sum eisini ger tað gjørligt, at verða heima longst gjørligt.

Tænastan, ið verður veitt, skal støðugt stuðla uppundir, at tað at búgva í Runavíkar- Nes- og Sjóvar kommunu er framúr gott og trygt – eisini, tá ein gerst gamal og hevur tørv á “hjálpandi hondum”.

Brennir tú fyri eldraøkinum og fyri at skapa góð og virðilig kor fyri tann aldrandi borgaran, so er tað tær vit leita eftir sum feriuavloysara til Roðan.

Røktarstarvsfólk
Til  Eysturoyar røktar – og ellisheim, sambýlini Vesturskin og Sjóvarlon og til  heimatænastuna verður søkt eftir sjúkrarøktarfrøðingum, heilsurøktarum, heilsuhjálparum og hjálparfólkum at arbeiða í tíðarskeiðnum  frá 01. juni til  30. september 2021.

Arbeiðið umfatar heilsu-og sjúkrarøkt, heimahjálp, og vegleiðing til borgarar, sum búgva heima og/ella á Eysturoyar røktar- og ellisheimið, Vesturskin og Sjóvarlon.

Arbeitt verður í skiftandi vaktum og í skiftandi vikuskiftum

Reingerðingsfólk
Til Eysturoyar røktar- og ellisheim, Vesturskin og Sjóvarlon verður søkt eftir fólki at gera reint. Eisini verður søkt eftir fólki til vaskaríið á Eysturoyar røktar- og ellisheimið. Arbeiði er í dagtímunum gerandisdagar.

Køksrøktarstarvsfólk
Til køkin á Eysturoyar røktar- og ellisheimið verður søkt eftir køksrøktarstarvsfólki. Arbeitt verður í skiftandi vaktum og skiftandi í vikuskiftum.

Lønar- og setanartreytir
Lønar-og setanartreytir eru sambært sáttmála við KAF/Fíggjarmálaráðið og avvarðandi fakfelag.

Um tú ynskir at vita nærri um størvini, ert tú vælkomin at at seta teg í samband við Roðan økistænastuna tlf 478200 ella tpost rodin@rodin.fo

Umsókn
Skrivlig umsókn við avritum av prógvi v.m. skal verða okkum í hendi í seinasta lagi 15. mars 2021. 

Umsóknin, merkt “summarfrítíðaravloysari” skal sendast við telduposti til: rodin@rodin.fo ella við posti til Roðin økistænastan, Friðartún 1, FO 620 Runavík.

 

 

 

 

 

Fráboðan um nýggj størv
Fá teldupost frá okkum, tá nýggj størv verða skrásett.
Send okkum tína starvslýsing
Um tú ynskir at fáa tína starvslýsing á als.fo, trýst her og send okkum lýsingina.
Vit eru eisini á Facebook
Allar lýsingarnar á als.fo eru eisini á Facebook. Trýst her fyri at vitja okkara Facebook síðu.
Tann góða umsóknin
Umsóknin er fyrsta fatanin, arbeiðsgevarin fær av tær. Tí er altavgerandi at gera sær ómak við henni.
Setanarsamrøðan
Soleiðis fyrireikar tú teg til setanarsamrøðuna