Sjálvgreiðslan
Fróðskaparsetur Føroya
Lagt út: 13.08.19
Umsóknarfreist: 26.08.19

Útbúgvingarsamskipari

Starv sum útbúgvingarsamskipari á Fróðskaparsetrinum leyst at søkja

Søkt verður eftir dugnaligum samskipara til nýggju útbúgvingina í listaligum arbeiði og til at luttaka í menningini og altjóðagerðini av masterútbúgvingum á Fróðskaparsetrinum.

Uppgávurnar í starvinum eru m.a.:

  • Vera við til at røkja og menna samstørv við útbúgvingarstovnar uttanlands
  • Samskipa og vera við til at menna tiltøk, t.d. ráðstevnur og seminar, sum eru knýtt at útbúgvingini í listaligum arbeiði og altjóða masterútbúgvingum
  • Samskipa avtalur við leysalærarar í samstarvi við avvarðandi skrivstovur og útbúgvingarleiðarar
  • Taka lut í fyrifallandi umsitingarligum uppgávum í sambandi við kunning um útbúgvingarnar, upptøku og tilrættislegging av undirvísing

Um teg
Tað er ein treyt, at tú hevur 5 ára universitetsútbúgving og arbeiðsroyndir, sum eru viðkomandi fyri starvið.

  • Hevur áhuga og hegni til at arbeiða við uppgávum innan bæði menning og umsiting
  • Dugir væl at orða teg í skrift og talu á føroyskum, donskum/skandinaviskum og enskum
  • Nært ásettum málum og trívist við ymiskum arbeiðsuppgávum
  • Dugir væl at arbeiða sjálvstøðugt, men eisini hevur góð samstarvsevni

Setanargongd
Starvið verður sett í samsvari við Reglugerð fyri størv á Fróðskaparsetri Føroya. Løn og starvstreytir eru sambært sáttmála millum Fíggjarmálaráðið og Akademikarafelag Føroya.

Starvsstað
Føroyamálsdeildin, men arbeiðið kann eisini fevna um viðkomandi uppgávur á øðrum deildum á Fróðskaparsetrinum.

Umsókn
Við umsóknini skulu leggjast avrit av próvskjølum, yvirlit yvir viðkomandi avrik og arbeiðsroyndir.

Umsóknin og øll skjøl skulu sendast talgilt til umsokn@setur.fo.

Umsóknarfreistin er 26. august 2019. Miðað verður eftir at seta starvið skjótast til ber.

Nærri upplýsingar um starvið fáast við at venda sær til Berg Djurhuus Hansen, dekan á Føroyamálsdeildini, tlf. 292542; bergurdh@setur.fo.

Upplýsingar um virksemið á Fróðskaparsetrinum eru at finna á heimasíðuni: www.setur.fo

Fráboðan um nýggj størv
Fá teldupost frá okkum, tá nýggj størv verða skrásett.
Send okkum tína starvslýsing
Um tú ynskir at fáa tína starvslýsing á starv.fo, trýst her og send okkum lýsingina.
Vit eru eisini á Facebook
Allar lýsingarnar á starv.fo eru eisini á Facebook. Trýst her fyri at vitja okkara Facebook síðu.
Tann góða umsóknin
Umsóknin er fyrsta fatanin, arbeiðsgevarin fær av tær. Tí er altavgerandi at gera sær ómak við henni.