Sjálvgreiðslan
Skriva út
Fuglafjarðar Kommuna
Lagt út: 14.07.21
Umsóknarfreist: 11.08.21

Sosialdeildarleiðari til Fuglafjarðar kommunu

Fuglafjarðar kommuna søkir eftir sosialdeildarleiðara at byrja skjótast gjørligt, í seinasta lagi 1. oktober 2021.

Talan er um eitt áhugavert og avbjóðandi starv, sum er leyst at søkja.

Týdningarmikið er, at sosialdeildarleiðarin dugir, og hevur áhuga í at arbeiða bæði ítøkiliga við málsviðgerð, og vanligum leiðsluuppgávum, umframt til tíðir kann lyfta seg upp, og arbeiða við politikkmenning, fyriskipan av evnisdøgum, ráðstevnum, fyribyrgjandi- og trivnaðarátøkum innan sosiala- og almannaøkið.  

Sosialdeildarleiðarin, sum bygnaðarliga vísir til kommunustjóran, hevur ábyrgdina av sosiala- og almannaøkinum og inngongur sum ein natúrligur partur av umsitingini hjá Fuglafjarðar kommunu við serligum denti á samstarvinum við dagstovnaleiðarar, leiðaran á barnaverndartænastuni, leiðaran í eldrasamstarvinum Nánd, barnatannrøktaran, tannlæknan, kommunulæknan, skúlasjúkrarøktarfrøðingin, smábarnaheilsufrøðingin og leiðsluna í dagtilhaldinum.

Starvsinnihald

  • Kveikja og samskipa sosiala- og almannaøkið í Fuglafjarðar kommunu, og harvið tryggja, at kommunan hevur sum mál at vera í fremstu røð innan útboð av fjøltáttaðum tilboðum innan økið.
  • Orða tey sosial- og almannapolitisku stevnumiðini og virðini hjá Fuglafjarðar kommunu í tøttum samstarvi við sosialu nevnd hjá býráðnum.
  • Yvirskipaðu leiðsluábyrgdina av dagstovnunum Stropanum og Kambi á Kambsdali, og Barnalund í Fuglafirði.
  • Bindilið kommununar til virksemið og myndugleikar innan sosiala- og almannaøkið, herímillum barnaverndartænastu, tannrøktara og tannlækna, kommunulækna, heilsusjúkrarøktarfrøðing, eldrasamstarvið Nánd, dagtilhaldið Lonina, Heilsutygd og Almannaverkið.
  • Umsita viðurskifti viðvíkjandi tilboðum til børn og ung, eitt nú verkætlanina “ung í arbeiði”, og eitt møguligt komandi ungdómshús.
  • Umsita bíðilistan til dagstovnapláss í Fuglafjarðar kommunu, og í hesum sambandi samskipa ansingarplássini í samráð við dagstovnaleiðararnar.
  • Viðgera innkomnar umsóknir um frípláss.
  • Gera og fylgja fíggjarætlan fyri økini 2 og 3 í samstarvi við ábyrgdar- og leiðslufólk á sosiala- og almannaøkinum og sosialu nevnd hjá býráðnum.
  • Tryggja, at góðar fyrisitingarligar mannagongdir verða fylgdar við brúk av journalskipan og fundarmoduli, og at politiskar avgerðir í sosialu nevnd, og mál í umsitingini verða fylgd upp rættstundis.
  • Er limur og í nøkrum førum skrivari í bygginevndum innan sosiala- og almannaøki.
  • Er skrivari í sosialu nevnd hjá býráðnum.

Faklig førleikakrøv

  • Viðkomandi miðallanga ella hægri útbúgving.
  • Útbúgving og/ella arbeiðsroyndir innan sosiala og/ella almannaøkið.
  • Leiðsluútbúgving og/ella leiðsluroyndir.
  • Royndir við at arbeiða í einari kommunalari umsiting kann verða ein fyrimunur.
  • Hevur hollan telduførleika.
  • Ein fyrimunur er, at hava góðan førleika í føroyskum, norðurlendskum og enskum máli.

Persónlig førleikakrøv

  • Hevur góð samstarvs- og samskiftisevni; í hesum sambandi dugir væl at lurta og seta seg inn í ymiskar støður.
  • Hevur ein mennandi leiðslustíl – sær møguleikar heldur enn forðingar.
  • Megnar at arbeiða sjálvstøðugt og saman við øðrum.
  • Er skipað/ur í starvinum, og er góð/ur til at halda tíðarfreistir.
  • Er í sínari atferð í starvinum fyrikomandi, opin og álítandi.

Lønar- og setanarviðurskifti

Lønin er sambært sáttmála við avvarðandi yrkisfelag við møguleika fyri viðbót.

Starvið sum sosialdeildarleiðari er normerað til fulla tíð. Arbeiðstíðin er í høvuðsheitum gerandisdagar kl. 08:00-16:00, men arbeiðið uttan fyri vanliga arbeiðstíð kemur fyri.

Fleiri upplýsingar um starvið

Fleiri upplýsingar um starvið fáast við at venda sær til antin Henrik Weihe Joensen, kommunustjóra, á telefon 238002, ella Dávur Juul, borgarstjóra, á telefon: 238077.

 

 

 

Umsóknin skal sendast til

Skrivliga umsóknin, saman við CV, revsiváttan, møguligum viðmælum og fylgiskjølum, skal sendast við vanligum posti til:

Fuglafjarðar kommunu

í Støð 5

530 Fuglafjørður

 

ella við telduposti til:

info@fuglafjordur.fo

Freistin at søkja starvið

Umsóknir skulu vera Fuglafjarðar kommunu í hendi í seinasta lagi mikudagin tann 11. august 2021 kl. 12:00.

 

Um Fuglafjarðar kommunu

Fuglafjarðar kommuna er ein virkisfús og fjølbroytt kommuna við umleið 1590 íbúgvum. Kommunan fevnir um Fuglafjørð, Kambsdal og Hellurnar. Í kommununi arbeiða umleið 120 starvsfólk, harav 11 í umsitingini, sum heldur til á tveimum bústøðum, Í Støð 5 og Karvatoftir 6.

Umsitingin er skipað við leiðarum í ávíkavist einari sosialu deild, mentanardeild, teknisku deild og fíggjardeild, sum bygnaðarliga vísa til kommunustjóran, ið hevur tilvísing til borgarstjóran.

Kommunan hevur gjørt stórar íløgur, sum verða lidnar í ár; tað eru íløgur í nýggjan barnaskúla, ítróttarhús og útbygging av eldrasambýlinum Vesturstovu.

 

 

 

 

Fráboðan um nýggj størv
Fá teldupost frá okkum, tá nýggj størv verða skrásett.
Send okkum tína starvslýsing
Um tú ynskir at fáa tína starvslýsing á als.fo, trýst her og send okkum lýsingina.
Vit eru eisini á Facebook
Allar lýsingarnar á als.fo eru eisini á Facebook. Trýst her fyri at vitja okkara Facebook síðu.
Tann góða umsóknin
Umsóknin er fyrsta fatanin, arbeiðsgevarin fær av tær. Tí er altavgerandi at gera sær ómak við henni.
Setanarsamrøðan
Soleiðis fyrireikar tú teg til setanarsamrøðuna