Sjálvgreiðslan
Skriva út
Føroya Tele
Lagt út: 12.05.20
Umsóknarfreist: 07.06.20

Skipanarumsitari til Føroya Tele

Fært tú stjørnur í eyguni, tá ið tú sært orð sum VMWare Virtualisering, Linux/Unix/Windows, Veeam Backup og IP-routing/switching? Gott! So ert tú rætti umsøkjarin. Á deildini Data stendur ein tómur stólur, tí fyri stuttum søgdu vit farvæl við ein ordans pressara. Einki press! Vit hava stórar vónir til tín.

Starvið er týdningarmikið tí – umframt at luttaka í dagliga rakstrinum á deildini – kemur tú at hava ábyrgdina av:

  • Nýuppsetan og rakstri av IP-kervi innan breiðband og fartelefon
  • Virtuellari pallhýsing
  • Internettænastum sum DNS, DHCP og Email

Data er ein partur av Tøkni og harvið knýtt at einum stórum og framskygdum tøkniligum umhvørvi á Føroya Tele. Data knýtir alla dataferðslu innan- og uttanlands og umsitur kjarnunetið og tænastur innan internet og farnet. Á deildini arbeiða jalig og dugnalig starvsfólk, sum virða samstarv og hvønn annan, og vit kunnu tískil ikki lata vera við at ímynda okkum, at tú eisini:

  • Ert jalig/ur
  • Dugir væl at samskifta
  • Virðir tætt samstarv

Arthur B. Olsen er deildarleiðari, og hann er altíð tøkur at tosa ella skriva, um tú brellast eftir at hoyra meira. Hann er at hitta á tel. 24 33 92 og t-post abo@ft.fo.

Freistin at søkja er sunnudagin 7. juni, og starvið verður sett skjótast gjørligt ella eftir nærri avtalu. Arbeiðsstaðurin er í høvuðssætinum í Hoyvík, og løn er sambært viðkomandi sáttmála.

Søk starvið her. 

Fráboðan um nýggj størv
Fá teldupost frá okkum, tá nýggj størv verða skrásett.
Send okkum tína starvslýsing
Um tú ynskir at fáa tína starvslýsing á als.fo, trýst her og send okkum lýsingina.
Vit eru eisini á Facebook
Allar lýsingarnar á als.fo eru eisini á Facebook. Trýst her fyri at vitja okkara Facebook síðu.
Tann góða umsóknin
Umsóknin er fyrsta fatanin, arbeiðsgevarin fær av tær. Tí er altavgerandi at gera sær ómak við henni.