Sjálvgreiðslan
Skriva út
Umhvørvis- og vinnumálaráðið
Lagt út: 02.12.19
Umsóknarfreist: 18.12.19

Orkufulltrúi í Umhvørvis- og vinnumálaráðnum

Søkt verður eftir fulltrúa til Umhvørvis- og vinnumálaráðið. Fulltrúin fer serliga at arbeiða við veðurlagsmálum, orkupolitikki og grønum orkuskifti, men skal tó eisini kunna luttaka í øðrum uppgávum í ráðnum.

Arbeiðsøki
Arbeiðsuppgávurnar fevna m.a. um at ráðgeva landsstýrismanninum innan orkuøkið, gera uppskot til og luttaka í verkætlanum innan orku og veðurlag, gera uppskot til røður og framløgur, svara fyrispurningum frá borgarum og miðlum og aðra vanliga málsviðgerð í ráðnum.

Arbeitt verður við eitt nú liberalisering av elmarknaðinum, reglum fyri orkuveiting í nýggjum húsum, veðurlagspolitikki, orkuskifti innan tað almenna og uppskotum til skipanir, ið skulu stimbra til orkugóðan atburð.

Førleikakrøv
Umsøkjarin skal hava viðkomandi kandidat- ella masterútbúgving frá lærdum háskúla.
Umsøkjarar við útbúgving og royndum innan orkuøkið, breiðari samfelagsvitan og kunnleika til almennu fyrisitingina hava fyrimun.

Persónlig førleikakrøv og royndir
Umráðandi er, at tann, ið settur verður:

  • hevur góð samstarvsevni
  • hevur góð greiningarevni
  • hevur góðar samskiftisførleikar, bæði munnliga og skrivliga
  • hevur politiskt tev
  • dugir at skipa størri og smærri verkætlanir
  • er tænastuhugaður og fleksibul, miðvísur og arbeiðir eins væl sjálvstøðugt og saman við øðrum

Umsókn
Umsókn við prógvum, lívsrensli o.ø. skulu sendast til uvmr@uvmr.fo, og skulu verða Umhvørvis- og vinnumálaráðnum í hendi í seinasta lagi 18. desember 2019. Allar umsóknir verða viðgjørdar í trúnaði.

Setanartreytir
Starvið verður lønt sambært sáttmála við avvarðandi fakfelag. Setanarøkið fevnir um øll stjórnarráð og stovnar, ið vísa til teirra.

Nærri kunning um starvið fæst við at venda sær til Hilmar Høgenni, deildarstjóra í Umhvørvis- og vinnumálaráðnum, á telefon 558090 ella við at skriva til uvmr@uvmr.fo

Fráboðan um nýggj størv
Fá teldupost frá okkum, tá nýggj størv verða skrásett.
Send okkum tína starvslýsing
Um tú ynskir at fáa tína starvslýsing á starv.fo, trýst her og send okkum lýsingina.
Vit eru eisini á Facebook
Allar lýsingarnar á starv.fo eru eisini á Facebook. Trýst her fyri at vitja okkara Facebook síðu.
Tann góða umsóknin
Umsóknin er fyrsta fatanin, arbeiðsgevarin fær av tær. Tí er altavgerandi at gera sær ómak við henni.