Sjálvgreiðslan
Skriva út
P/F Betri Banki
Lagt út: 13.09.21
Umsóknarfreist: 30.09.21

Marknaðarfólk til Betri Banka

Hevur tú hug at royna teg sum marknaðarfólk í Betri Banka?

Til Marknaðardeildina sóknast vit eftir einum eldhugaðum marknaðarfólki, ið brennur fyri talgildari marknaðarføring, marknaðarátøkum, lýsingartilfari, samskipan og íverksetan av átøkum og miðlan.

Marknaðardeildin í Betri Banka hevur týðandi leiklutin at stuðla undir, at kundar okkara fáa so viðkomandi og fullfíggjaða kunning sum til ber um tænastur og møguleikar, soleiðis at kundin fær bestu fortreytir fyri at taka rættar fíggarligar avgerðir. 

Um starvið Arbeiðsdagurin á Marknaðardeildini er fjølbroyttur við nógvari ferð á, og saman við leiðaranum á deildini fevna tínar uppgávur millum annað um:

  • at framleiða tilfar til sosialar miðlar, bæði í skrift og visuelt
  • at umsita samskifti og lýsingartilfar á heimasíðuni, netbankanum og øðrum sosialum miðlum
  • at fremja hugskot í verki
  • at leggja til rættis og skipa fyri kundatiltøkum
  • aðrar uppgávur, so sum umsiting av reklamulutum, samskifti við sosialar miðlar, arbeiða við úrslitum frá marknaðarkanningum og aðrar fyrifallandi uppgávur á deildini

Um teg
Vit ímynda okkum, at tú hevur viðkomandi útbúgving frá hægri lærustovni innan marknaðarføring ella líknandi. Viðkomandi royndir eru eisini ein fyrimunur.

Vit ynskja, at tú:

  • hevur stóran áhuga í talgildari marknaðarføring
  • megnar at hava yvirlit, samstundis sum tú ert ágrýtin og arbeiðssom/samur, soleiðis at allar uppgávurnar verða loystar væl og skjótt
  • ert proaktiv/ur og hevur jaligan hugburð
  • brennur fyri at skipa og fremja nýskapandi hugskot í verki
  • dugir væl at orða teg í skrift og talu

Vit bjóða

  • eitt spennandi starv í eini stórari fyritøku, har tú fært møguleika at seta tín dám á starvið
  • fakliga dugnaligar starvsfelagar, sum brenna fyri at flyta Betri Banka víðari fram á leið
  • eitt arbeiðspláss, har pláss er fyri bæði fakligari og persónligar menning, og har starvsfólkatrivnaður og kundanøgsemi hevur hægstu raðfesting

Setanarviðurskifti
Setanartreytir verða ásettar sambært avtalu.

Umsóknarfreistin er 30. september 2021
Starvið verður sett skjótast til ber. Tó hava vit tíð at bíða eftir rætta persóninum.

Ynskir tú at vita meira um starvið, ert tú vælkomin at venda tær til Annu Eystberg Hofgaard, marknaðarleiðara í Betri Banka, telefon 348 251 ella Beintu Wilhelm, HR-leiðara, telefon 348 224.

Ert tú áhugað/ur í starvinum? Send umsókn við viðkomandi skjølum til starv@betri.fo

https://www.betri.fo/marknadarfolk

 



 

 

Fráboðan um nýggj størv
Fá teldupost frá okkum, tá nýggj størv verða skrásett.
Send okkum tína starvslýsing
Um tú ynskir at fáa tína starvslýsing á als.fo, trýst her og send okkum lýsingina.
Vit eru eisini á Facebook
Allar lýsingarnar á als.fo eru eisini á Facebook. Trýst her fyri at vitja okkara Facebook síðu.
Tann góða umsóknin
Umsóknin er fyrsta fatanin, arbeiðsgevarin fær av tær. Tí er altavgerandi at gera sær ómak við henni.
Setanarsamrøðan
Soleiðis fyrireikar tú teg til setanarsamrøðuna