Sjálvgreiðslan
Skriva út
NÁM
Lagt út: 18.11.21
Umsóknarfreist: 12.12.21

Nám sóknast eftir námsráðgeva/ritstjóra í støddfrøði á miðnámsskúlaøkinum

Vilt tú standa á odda fyri fakligari og námsfrøðiligari menning av lærugreinini støddfrøði á miðnámsskúlaøkinum, og hevur tú fakligt og námsfrøðiligt innlit í breytaskipanina, so hevur tú møguleika at gera tína ávirkan galdandi sum námsráðgevi og ritstjóri.

Nám sóknast eftir dugnaligum og ágrýtnum námsráðgeva, 40%, og ritstjóra, 60%, frá 1. januar 2022. Talan er um tíðaravmarkað fulltíðarstarv fram til 31. juli 2025.

Um starvið
Sum námsráðgevi skal viðkomandi:

  • fylgja við í tí, sum hendir innan lærugreinaøkið, og skal sum part av hesum kunna seg um námsætlanir, námsfrøðiliga gransking, fakligar avbjóðingar og menning á økinum í londunum kring okkum, serliga í Norðurlondum.
  • vegleiða, geva íblástur og samskifta við skúlar.
  • arbeiða við at dagføra og gera vegleiðingar til námsætlanina í støddfrøði á yrkisnámi og gymnasialum miðnámi.
  • svara námsfrøðiligum og fakligum spurningum við atliti at námsætlanini.
  • ráðgeva um próvtøkur, próvtøkuuppgávur og breytarverkætlanir.

Hevur ráðgevin undirvísingarførleika í fleiri lærugreinum, skal hann vera til reiðar at virka sum ráðgevi í hesum lærugreinum eisini, um tørvur er á tí. Ráðgevin skal eisini kunna átaka sær aðrar viðkomandi uppgávur á miðnámskúlaøkinum.

Sum ritstjóri skal viðkomandi:

  • ritstjórna undirvísingartilfar í støddfrøði
  • finna viðkomandi tilfar til útgávuheildina C-A-stig
  • samskifta við onnur starvsfólk um arbeiðið við tilfarinum
  • vera við til at menna undirvísingartilfar
  • vera við í skeiðsvirkseminum í Námi
  • røkja aðrar viðkomandi uppgávur, ið hoyra til arbeiðsøkið hjá Námi

Førleikakrøv
Umsøkjarar skulu hava undirvísingarførleika sambært kunngerð nr. 23 frá 7. apríl 2014 um fakligan førleika í gymnasialu miðnámsútbúgvingunum.

Persónligar dygdir hjá umsøkjarum eru, at viðkomandi skal:

  • vera fakliga og námsfrøðiliga á tryggari grund
  • hava áhuga fyri fakligari og námsfrøðiligari menning
  • hava innlit í tvørfakligt samstarv
  • hava royndir sum próvdómari og vegleiðari
  • hava góð samstarvsevni og vera fyrikomandi
  • hava góðar samskiftisførleikar
  • hava góðan málførleika, serliga í føroyskum

Setanarviðurskifti
Vit bjóða eitt sera spennandi og avbjóðandi starv við bundnum uppgávum, ið skulu avgreiðast innan settar tíðar- og fakkarmar. Starvið verður sett sambært sáttmála millum Fíggjarmálaráðið og Yrkisfelagið Miðnám.

Umsóknir
Umsókn saman við avriti av viðkomandi prógvum og C.V. skal verða Námi í hendi í seinasta lagi sunnudagin 12. desember 2021. Umsóknin skal sendast til: Nám, Hoyvíksvegi 72, FO-100 Tórshavn ella við t-posti á eydun@nam.fo

Tey, ið ynskja fleiri upplýsingar um starvið, kunnu ringja til Eyðun Gaard, stjóra, tlf. 555150.

Nám er stovnur undir Mentamálaráðnum, sum veitir tænastur og undirvísingarmiðlar til skúlaverkið. Høvuðsvirkisøkini eru at útvega fjølbroyttar undirvísingarmiðlar - prentað og talgilt tilfar, undirvísingarportalin Snar, fakliga og undirvísingarliga ráðgeving, skeiðsvirksemi, miðlasavn, útlán og skeið. Í Námi eru 27 starvsfólk. Próvstovan er partur av Námi, og har arbeiða 7 fólk.

Fráboðan um nýggj størv
Fá teldupost frá okkum, tá nýggj størv verða skrásett.
Send okkum tína starvslýsing
Um tú ynskir at fáa tína starvslýsing á als.fo, trýst her og send okkum lýsingina.
Vit eru eisini á Facebook
Allar lýsingarnar á als.fo eru eisini á Facebook. Trýst her fyri at vitja okkara Facebook síðu.
Tann góða umsóknin
Umsóknin er fyrsta fatanin, arbeiðsgevarin fær av tær. Tí er altavgerandi at gera sær ómak við henni.
Setanarsamrøðan
Soleiðis fyrireikar tú teg til setanarsamrøðuna