Sjálvgreiðslan
Skriva út
Munin
Lagt út: 22.11.21
Umsóknarfreist: 15.12.21

Verkfrøðingur ella byggifrøðingur til 3D-projektering og 3D-dátuviðgerð

Munin søkir eftir starvsfólki til 3D-projektering innan verklagsarbeiði og 3D-dátuviðgerð.

Tráar tú eftir at arbeiða við 3D staðsettum dátum, sum eru føddar við RTK GPS, totalstøð, dronu, 3D-skanningum ella maskinstýringum? Vilt tú stýra 3D dátustreyminum millum skrivstovu og maskinur? Ert tú stinn/ur í 3D projektering innan verklagsarbeiði? Vilt tú vera við til at menna títt arbeiðsøki?

Um tú situr og nikkar, so er tað júst tær, vit leita eftir.

Førleikar
Skikkaði at søkja starvið eru tey, ið hava:

  • royndir í AutoDesk forritum – AutoCad, Civil 3D, InfraWorks, Inventor, vm.
  • royndir í at projektera verklagsarbeiði í 3D
  • royndir innan landmáting
  • tev innan visualisering
  • nærlagni

Vit vænta, at tú ert ágrýtin og fyrikomandi.

Løn og setanartreytir
Starvið verður sett sambært avtalu.

Um Munin
Á Munin arbeiða seks starvsfólk. Umframt landmáting og verkfrøði arbeiða vit við KT og GIS loysnum. Starvsøkini eru støðugt ment síðan fyritøkan varð stovnað í 1998. Fyritøkan leggur dent á trivnað og framhaldandi menning hjá starvsfólkunum.

Skrivstovan er á Dalastígi 7 í Tórshavn. Nærlagni er í okkara stevnumiði.

Umsókn
Umsóknin og viðkomandi skjøl kunnu sendast til munin@munin.fo ella latast inn á skrivstovuni. Meir fæst eisini at vita við at seta seg í samband við Búa Una Jensen á telefonnummar 293605 ella við at skriva til buj@munin.fo.

Umsóknarfreistin er 15. desember 2021.

 

 

Fráboðan um nýggj størv
Fá teldupost frá okkum, tá nýggj størv verða skrásett.
Send okkum tína starvslýsing
Um tú ynskir at fáa tína starvslýsing á als.fo, trýst her og send okkum lýsingina.
Vit eru eisini á Facebook
Allar lýsingarnar á als.fo eru eisini á Facebook. Trýst her fyri at vitja okkara Facebook síðu.
Tann góða umsóknin
Umsóknin er fyrsta fatanin, arbeiðsgevarin fær av tær. Tí er altavgerandi at gera sær ómak við henni.
Setanarsamrøðan
Soleiðis fyrireikar tú teg til setanarsamrøðuna