Hvat er arbeiðsloysisstuðul?

Arbeiðsloysisstuðul er ein lógarfestur rættur, sum løgtingið hevur staðfest, og sum tú, sum móttakari av A-inntøku, sjálv/ur hevur verið við til at fíggja. Men sum arbeiðsleys/ur mást tú kenna treytirnar fyri at fáa arbeiðsloysisstuðul, t.e. hvørji rættindi og hvørjar skyldur, tú hevur í ALS. Gert tú ikki tað, kann lættliga henda, at tú ikki fært fullan ágóða av rættindum tínum.

Arbeiðsgevarar og arbeiðstakarar í Føroyum fíggja ALS, sum m.a. hevur til endamáls at veita arbeiðsloysisstuðul. Men Arbeiðsloysisskipanin skal ikki bert lofta. Skipanin skal eisini hjálpa arbeiðsleysum út aftur á arbeiðsmarknaðin skjótast til ber. Tí virkar ALS bæði sum arbeiðsávísing, samstundis sum skipanin roynir at betra møguleikarnar hjá arbeiðsleysum at fáa arbeiði.

ALS -gjaldið er 1% av A-inntøkuni.