Skeið fyri arbeiðstøk

Sum arbeiðstøk/ur kanst tú søkja um at luttaka á skeiðum, sum eru førleikagevandi og sum betra tínar møguleikar at koma aftur til arbeiðis.

Á yvirlitinum til høgru sært tú, hvørji skeið ALS í løtuni skipar fyri.

Hvussu?
Send okkum eina umsókn um at sleppa á skeið. Umsóknarblaðið finnur tú her.

Ring til ALS, tel 34 95 50, ella send ein teldupost til als@als.fo, og fá meiri at vita um møguleikarnar hjá arbeiðstøkum at luttaka á førleikagevandi skeiðum.

Treytir
Fyri at ALS skal rinda skeiðið, skalt tú hava havt rætt til arbeiðsloysisstuðul seinastu 4 mánaðirnar, áðrenn skeiðið byrjar, og ALS skal góðkenna skeiðið sum førleikagevandi. Skeiðið skal betra tínar møguleikar at koma aftur á arbeiðsmarknaðin. Tú fært arbeiðsloysisstuðul, meðan tú ert á skeið.

Um tú ikki hevur havt rætt til arbeiðsloysisstuðul í 4 mánaðir, áðrenn skeiðið byrjar, ber til at søkja um at varðveita ALS-stuðulin, meðan tú ert á skeiði. So rindar tú sjálv/ur allar útreiðslur, ið standast av skeiðnum.