Tíðindi

12.03.2012 | ALS-næmingar prógv

ALS er 20 ár í ár. Endamálið hjá ALS hevur øll hesi árini verið at veita arbeiðsloysisstuðul. Men serliga hetta seinasta árið hevur skipanin vent á ein annan bógv við tað, at ALS hevur savnað seg um at førleikamenna og at fáa fólk í arbeiði, fáa tey í starvsvenjing og áhaldandi at hava samband við arbeiðsgevararnar.

Úrslitið av strembanini hjá ALS at fáa førleikament arbeiðsleys hevur verið at skipa fyri sínum fyrsta tríggjar mánaðaskeiði í føroyskum, enskum og støddfrøði á 10. floksstigi í samstarvi við Kvøldskúlan í Havn og Mentamálaráðið.

Fegin ALS-stjóri
Tá ið ætlanin um at skipa fyri hesum skeiði á 10. floksstigi spratt, hildu fleiri, at tað fór ikki at bera til at fáa í lag. Tað skuldi vera ógvuliga trupult, tí at tað er eitt rættiliga torgreitt mál at seta sær.

Men tað gekk, og tað gekk væl.

Ernst Jacobsen, ALS-stjóri fegnast almikið um ta ótrúligu vælvild, sum Kvøldskúlin hevur víst ætlanini við at útvega royndar lærarar, høli og við at umsita útbúgvingina. Hann er eisini fegin um vælvildina, sum Mentamálaráðið hevur sýnt skeiðnum.

14 næmingar hava fingið prógv eftir at hava staðið eitt strævið og krevjandi skeið, sum hevur stimbrað teir til at koma víðari. Summi ætla sær til dømis í handilsskúla. Onnur ætla sær á HF, og samanumtikið ætlað øll sær okkurt á leiðini framá í samfelagnum. Næmingarnir hava ið hvussu er slept ætlanini um at dvølja í ALS-skipanini, tí eingi onnur útlit eru fyri eini virðiligari tilveru. Henda tilvera er nú vend til eina framasøkjandi stremban eftir at koma víðari.

ALS rindar skeiðið
ALS-skipanin hevur í felag við Kvøldskúlan í Havn og Mentamálaráðið framt sína ætlan í verki við at bjóða arbeiðsleysum á skeið, sum eisini hevur verið eitt tilboð til onnur enn fólk í ALS-skipanini at brúka henda møguleika.

ALS rindar allan kostnaðin av skeiðnum, Kvøldskúlin hevur umsitið tað, og Mentamálaráðið hevur skipað fyri próvtøkuni.

Tríggjar mánaðaskeiðið í føroyskum, enskum og støddfrøði byrjaði í november í fjør og endaði seinast í februar, og fríggjadagin fóru 14 næmingar heim við hvør sínum prógvi. Teir hava staðið eitt skeið, sum eftir øllum at døma verður aftur. Í hvørjum líki tað verður aftur, fara eftirmetingarnar at vísa.

Kelda: vágaportal.fo

Frítíðarløn

Kunnandi fundur25.03.2013

Nýggjur stjóri settur27.02.2013

36 umsøkjarar18.02.2013

Rannvá fer víðari18.02.2013

Sveinabræv frá lívsins skúla08.02.2013

Móttøkan avlýst14.01.2013

Nýggjur stýrisformaður14.01.2013

Stjórin á ALS takkar fyri seg09.01.2013

Jólafrí 27. desember - 1. januar17.12.2012

Birkolasj á Tvøroyri12.12.2012

Johan Dahl vitjaði Vakstrarhúsið31.10.2012