Tíðindi

05.10.2011 | Nýggir lærumøguleikar...

Kelda: Dimmalætting

Nýggir lærumøguleikar hjá arbeiðsleysum

Samstarvið millum ALS, Mentamálaráðið og Tórshavnar Kvøld- og Ungdómsskúla gevur nýggjar møguleikar

- Eg haldi hetta er ómetaliga jaligt og skapar nýggjar møguleikar.Samskiparin í Samtak, Sonja Jógvansdóttir, er væl nøgd við teir nýggju útbúgvingarmøguleikarnar, sum nú eru settir í verk fyri arbeiðsleys.

Fyribils er tað bert í Havn, men ALS hevur gjørt eina avtalu við Tórshavnar Kvøld- og Ungdómsskúla um, at arbeiðsleys kunnu taka stakfak á skúlanum, og hetta kann gerast um dagin.

Fýra av fimm arbeiðsleysum í Føroyum hava ikki miðnámsútbúgving. Fyri at sleppa inn á miðnám er neyðugt at hava eitt gott prógv úr 9. ella 10. flokki. Undirvísingin, sum byrjar 1. november, fer at geva prógv, sum svarar til 10. flokk. Longu í februar verður møguligt at taka prógv.

Mentamálrráðið við
Fyri at gera hetta til eina veruliga førleikamenning er Mentamálaráðið eisini við. Serligir próvspurningar verða gjørdir til royndirnar í februar.

Frá Samtaki halda tey, at hetta hevur avgerandi týdning, at tey arbeiðsleysu fáa møguleika at førleikamenna seg.

- Vit hava ikki havt so nógv arbeiðsloysi seinnu árini, so vit hava heldur ikki havt brúk fyri so nógvum skeiðum. Tí er tað gott at síggja, at ALS er vakið og skapar nýggjar møguleikar, nú fleiri ikki sleppa til arbeiðis, sigur Sonja Jógvansdóttir, samskipari.

Ber kostnaðin
ALS ber allan kostnaðin av hesi útbúgvingini.

- Hetta er eitt gylt høvi at nema sær kunnleikar, so til ber at sleppa víðari, heldur Ernst Jacobsen, sum er stjóri á Arbeiðsloysisskipanini.

Sonja Jógvansdóttir vísir á, at mong hava verið nógv ár á arbeiðsmarknaðinum uttan at hava fingið formligar førleikar.Hon vísir á, at í øðrum Norðanlondum verða fólk mett eftir, hvat tey hava gjørt, og so fáa tey góðkendar førleikar eftir tí.

- Eg kundi ynskt mær, at ein slík skipan eisini kom í Føroyum, men hetta er avgjørt eitt stig á vegnum fram, sigur hon.

Frítíðarløn

Kunnandi fundur25.03.2013

Nýggjur stjóri settur27.02.2013

36 umsøkjarar18.02.2013

Rannvá fer víðari18.02.2013

Sveinabræv frá lívsins skúla08.02.2013

Móttøkan avlýst14.01.2013

Nýggjur stýrisformaður14.01.2013

Stjórin á ALS takkar fyri seg09.01.2013

Jólafrí 27. desember - 1. januar17.12.2012

Birkolasj á Tvøroyri12.12.2012

Johan Dahl vitjaði Vakstrarhúsið31.10.2012