Tíðindi

19.10.2009 | 80% óansæð brúkt dagatal

Í løgtingslóg nr. 113 frá 13. juni 1997 um arbeiðsloysisstuðul og arbeiðsávísing, sum seinast broytt við løgtingslóg nr. 176 frá 14. mai 2009, er ásett í § 16, at arbeiðsloysistuðulin er 80% fyrstu 253 útgjaldsdagarnar og hereftir 75% av útrokningargrundarlagnum.

Ivi hevur stungið seg upp viðvíkjandi teimum persónum, sum vóru í skipanini, tá lógin kom í gildi í mai 2009, og teimum persónum, sum fyrr hava verið inni í skipanini og so seinni, tvs. eftir at lógarbroytingin er samtykt, gerast arbeiðsleysir. Spurningurin er, nær frá fyrsta útgjaldsskeiðið uppá 253 útgjaldsdagar skal roknast.

Beinanvegin Arbeiðsloysisskipanin gjørdist varug við trupulleikan, heitti Arbeiðsloysisskipanin á løgfrøðing at gera eitt álit um ásetingarnar í § 16 um markið millum 80% og 75% í arbeiðsloysisstuðuli.

Stýrið fyri Arbeiðsloysisskipanina hevur á stýrisfundi í dag samtykt at broyta mannagondina, soleiðis at allir persónar fáa 80% í mest loyvdum arbeiðsloysisstuðli, líkamikið hvussu nógvar dagar teir hava fingið arbeiðsloysisstuðul, áðrenn lógin var broytt.

Fíggjarlig avleiðing fyri Arbeiðsloysisskipanina er eitt meirútgjald uppá góðar 127 t.kr. pr. skeið. Ein koyring, har støði er tikið í skeið 12.2009, vísir, at útgjaldið økist frá 5,39 mió. kr. til 5,52 mió. kr., um so er, at øll í skipanini verða roknaði við 80%, frá tí at lógin fekk virknað í 2009.

Landsstýrismaðurin í vinnumálum, Jóhan Dahl, er kunnaður um niðurstøðuna hjá stýrinum, og tekur hann undir við niðurstøðuni.

Ikki er neyðugt hjá teimum viðskiftafólkum, ið eiga pening til góðar, at venda sær til Arbeiðsloysisskipanina. Peningurin verður fluttur sjálvirkandi, væntandi í næstu viku, sum er vika 44.

Frítíðarløn

Kunnandi fundur25.03.2013

Nýggjur stjóri settur27.02.2013

36 umsøkjarar18.02.2013

Rannvá fer víðari18.02.2013

Sveinabræv frá lívsins skúla08.02.2013

Móttøkan avlýst14.01.2013

Nýggjur stýrisformaður14.01.2013

Stjórin á ALS takkar fyri seg09.01.2013

Jólafrí 27. desember - 1. januar17.12.2012

Birkolasj á Tvøroyri12.12.2012

Johan Dahl vitjaði Vakstrarhúsið31.10.2012